لاہور : محکمہ موسمیات نے ملک کے مختلف حصوں میں بارش اور برفباری کی پیشگوئی کی ہے، جبکہ بیشتر علاقوں میں موسم سرد اور خشک رہنے کا امکان ہے۔
اسلام آباد اور اس کے اطراف میں سرد موسم کی توقع ہے، جبکہ پنجاب کے بیشتر اضلاع میں بھی سرد اور خشک موسم رہے گا۔ مری، گلیات اور ان کے نواحی علاقوں میں چند مقامات پر بارش ہونے کا امکان ہے۔ جنوبی پنجاب کے علاقے جیسے ملتان، خانیوال، خانپور، رحیم یار خان اور بہاولپور میں دھند کی پیشگوئی کی گئی ہے۔
گلگت بلتستان اور بالائی خیبرپختونخوا کے بعض علاقوں جیسے کوہستان، چترال، دیر، سوات، بٹگرام، مانسہرہ اور ایبٹ آباد میں بارش اور برفباری ہو سکتی ہے۔ آزاد کشمیر اور ملحقہ پہاڑی علاقوں میں بھی بارش اور برفباری کی توقع ہے، اور بعض میدانی علاقوں میں سرد ہوائیں چلنے کا امکان ہے۔ بالائی سندھ میں بھی بعض مقامات پر دھند پڑ سکتی ہے۔