لاہور میں سموگ کی شدت بدستور برقرار، فضائی آلودگی میں اضافہ

لاہور : لاہور میں سموگ کی صورتحال میں ابھی تک کوئی بہتری نہیں آئی، اور شہر آج بھی دنیا کے سب سے آلودہ شہروں میں پہلے نمبر پر ہے۔ لاہور میں فضائی آلودگی کا مجموعی معیار 277 ریکارڈ کیا گیا، جبکہ ڈی ایچ اے فیز فائیو میں ایئر کوالٹی انڈیکس (اے کیو آئی) 459 تک پہنچ گیا۔ یو ایس قونصلیٹ کے علاقے کا اے کیو آئی 433 اور گلبرگ میں 416 ریکارڈ کیا گیا۔

محکمہ موسمیات کے مطابق، لاہور میں آج بارش کا کوئی امکان نہیں، اور شہر کا کم سے کم درجہ حرارت 13 ڈگری سینٹی گریڈ جبکہ زیادہ سے زیادہ 24 ڈگری سینٹی گریڈ رہنے کی توقع ہے۔

موسم کے ماہرین نے بتایا کہ لاہور میں ہوا کی رفتار 6 کلومیٹر فی گھنٹہ ریکارڈ کی گئی ہے، اور ہوا میں نمی کا تناسب 81 فیصد تک پہنچ چکا ہے۔