پاکستان اور زمبابوے کے درمیان کوئنز کلب میں پہلا ٹی ٹوئنٹی میچ آج شام 4 بجے کھیلا جائے گا۔ اس میچ میں پاکستان کی قیادت سلمان علی آغا کریں گے، جو دوسری بار قومی ٹیم کے کپتان بنے ہیں۔ عمیر بن یوسف اپنے انٹرنیشنل کرئیر کا آغاز کریں گے۔
پاکستان کی پلیئنگ الیون میں بابر اعظم، شاہین شاہ، نسیم شاہ، عبداللہ شفیق، کامران غلام اور فیصل اکرم شامل نہیں ہیں۔ اس میچ میں کپتان سلمان آغا کے علاوہ صائم ایوب، عمیر بن یوسف، عثمان خان، طیب طاہر، عرفان خان، جہانداد خان، عباس آفریدی، حارث راؤف، ابرار احمد اور سفیان مقیم بھی کھیلیں گے۔
زمبابوے کے خلاف اس تین میچز کی سیریز میں پاکستان کا اسکواڈ 17 کھلاڑیوں پر مشتمل ہے۔