کراچی :ملک میں سونے کی قیمتوں میں آج ایک بار پھر کمی دیکھنے میں آئی ہے۔ فی تولہ سونا 1100 روپے کم ہو کر 2 لاکھ 76 ہزار 200 روپے کا ہو گیا ہے، جبکہ 10 گرام سونا 943 روپے کمی کے بعد 2 لاکھ 36 ہزار 797 روپے پر پہنچ گیا ہے۔
یاد رہے کہ گزشتہ روز سونے کی قیمت میں 2100 روپے کا نمایاں اضافہ ہوا تھا، جس کی وجہ سے صارفین کو مشکلات کا سامنا کرنا پڑا تھا۔ تاہم آج کی کمی سے خریداروں کو کچھ ریلیف ملا ہے۔
ماہرین کا کہنا ہے کہ سونے کی قیمتوں میں یہ اتار چڑھاؤ عالمی مارکیٹ میں جاری بے یقینی، امریکی ڈالر کی قیمت میں رد و بدل، اور مقامی طلب و رسد کی وجہ سے ہو رہا ہے۔ سرمایہ کاروں کو مشورہ دیا جا رہا ہے کہ وہ سونے کی خرید و فروخت میں محتاط رہیں۔