بلاوائیو : پاکستان اور زمبابوے کے درمیان تین میچز پر مشتمل سیریز کا دوسرا ون ڈے میچ آج بلاوائیو میں کھیلا جائے گا۔ سیریز کے پہلے میچ میں زمبابوے نے پاکستان کو 80 رنز سے شکست دی تھی، جو بارش کے باعث مختصر ہو گیا تھا۔
یہ میچ پاکستانی وقت کے مطابق دوپہر ساڑھے 12 بجے شروع ہوگا۔ پاکستان کو سیریز میں شکست سے بچنے کے لیے دونوں باقی میچز جیتنا ضروری ہیں۔ ٹیم میں دو تبدیلیوں کا امکان ہے، اور اسپنر ابرار احمد اور طیب طاہر کے ڈیبیو کی توقع کی جا رہی ہے، جبکہ محمد حسنین اور حسیب اللہ کو باہر کیا جا سکتا ہے۔ گزشتہ روز پاکستانی کھلاڑیوں نے بلاوائیو میں بیٹنگ اور فیلڈنگ پر خاص توجہ دی تھی۔
زمبابوے کی ٹیم کو پاکستان کے خلاف پہلی فتح نے ان کے حوصلے بلند کر دیے ہیں اور وہ سیریز جیتنے کے خواب دیکھ رہے ہیں۔ پاکستان کے لیے اب شکست کا مطلب بڑی رسوائی ہو سکتی ہے۔