ہوبارٹ : پاکستان اور آسٹریلیا کے درمیان تین میچوں کی ٹی ٹوئنٹی سیریز کا تیسرا اور آخری میچ آج ہوبارٹ میں کھیلا جائے گا۔
آسٹریلیا کو 2-0 کی برتری حاصل ہے اور پاکستان کو اس میچ میں فتح حاصل کرکے وائٹ واش سے بچنا ہوگا۔
میچ آج دن ایک بجے شروع ہوگا۔ پہلے دو میچوں میں پاکستان کی فیلڈنگ اور بیٹنگ کی کارکردگی مایوس کن رہی، جس کے باعث اسے شکست کا سامنا کرنا پڑا۔ دوسرے میچ میں سست بیٹنگ اور فیلڈنگ کی غلطیوں نے پاکستان کی مشکلات میں مزید اضافہ کیا۔
پاکستان کے وکٹ کیپر بیٹر محمد رضوان نے تیسرے میچ کے حوالے سے امید ظاہر کی ہے کہ ٹیم کامیابی حاصل کرے گی اور سیریز میں کم از کم ایک میچ جیت کر وائٹ واش ہونے سے بچ جائے گی۔ پاکستانی ٹیم آج کا میچ جیت کر سیریز میں واپسی کرنے کی کوشش کرے گی۔