نئی دہلی: بھارت کی سابق ٹینس سٹار ثانیہ مرزا کو دبئی سپورٹس کونسل کی جانب سے کھیلوں کا سفیر مقرر کر لیا گیا ہے۔ یہ خوشخبری ثانیہ مرزا نے اپنے انسٹاگرام پر شیئر کی۔
ثانیہ مرزا نے انسٹاگرام پر ایک تصویر شیئر کرتے ہوئے لکھا، "دبئی کے لیے کھیلوں کا سفیر بننا میرے لیے ایک اعزاز ہے۔” اس کے ساتھ ہی انہوں نے دبئی اسپورٹس کونسل کی جانب سے منعقدہ تقریب کی تصاویر بھی شیئر کیں اور کہا، "اس شاندار موقع کے لیے دبئی سپورٹس کونسل کا شکریہ۔”
ثانیہ مرزا کی اس کامیابی پر سوشل میڈیا پر ان کے مداحوں کی جانب سے مبارکبادوں کا سلسلہ جاری ہے۔
دبئی سپورٹس کونسل کی یہ اہم شراکت داری دبئی کے وژن کو فروغ دینے اور کھیلوں کی اہمیت کو اجاگر کرنے کے لیے کی گئی ہے، جس کا مقصد صحت مند طرز زندگی کی ترویج بھی ہے۔