اسلام آباد : اسلام آباد سمیت خیبر پختونخوا کے مختلف شہروں میں زلزلے کے جھٹکے محسوس کیے گئے ہیں۔
پشاور، ایبٹ آباد، سوات، شانگلہ، مالاکنڈ، بونیر، مہمند، شبقدر اور اٹک میں بھی لوگ زلزلے کے جھٹکوں سے متاثر ہوئے۔ خوف کے مارے کئی لوگ اپنے گھروں سے کلمہ طیبہ کا ورد کرتے ہوئے باہر نکل آئے۔
زلزلہ پیما مرکز کے مطابق زلزلے کی شدت 5.3 تھی جبکہ اس کا مرکز افغانستان کے ہندوکش ریجن میں واقع تھا۔ زلزلے کے جھٹکوں کے بعد عوام میں پریشانی اور ہراس پھیل گیا، لیکن ابھی تک کسی قسم کے جانی یا مالی نقصان کی اطلاع نہیں ملی ہے۔