رانی کھیت کی وبا تیزی سے پھیلنے لگی، مرغیاں بیمار

اسلام آباد:مرغیوں کی جان لیوا بیماری رانی کھیت ایک مرتبہ پھر سر اٹھانے لگی ۔پولٹری فارموں میں رانی کھیت کی وبا تیزی سے پھیل رہی ہے،ملتان میں فارم پرسینکڑوں مرغیاں بیمار ہوگئیں،پولٹری فارم سے وابستہ افراد محکمہ لائیو سٹاک کی جانب سے ویکسین نہ ملنے سے سخت پریشان ہیں ۔

پولٹری فارم سے وابستہ افراد کا کہنا ہے کہ مرغیوں میں نزلہ زکام کے ساتھ رانی کھیت کی وبا پھیلی چکی ہے ہماری مرغیاں بیمار ہو رہی ہیں، ہمیں ویکسین نہیں مل رہی اگر ویکسین مل جائے تو ہمارے لیے آسانی ہو سکتی ہے۔

واضح رہے اس وقت ملک بھر میں برائلر گوشت کی قیمتیں آسمان پر پہنچ چکی ہیں ۔