سبزاہ زار گرڈ اسٹیشن میں شارٹ سرکٹ کے باعث زور دار دھماکہ، لاہور کے کئی علاقوں میں بجلی بند

لاہور: رات گئے سبزاہ زار کے علاقے میں واقع گرڈ اسٹیشن میں زور دار دھماکے کا واقعہ پیش آیا جس کے باعث لاہور کے کئی علاقوؐں میں بجلی بند ہو گئی۔

دھماکے کے بعد آگ بھڑک اٹھی، دھماکہ اس قدر خوفناک تھا کہ لوگ خوفزدہ ہوکر گھروں سے نکل آئے۔گرڈ اسٹیشن میں دھماکے سے شہر کا بڑا حصہ اندھیرے میں ڈوب گیا۔

پولیس اور امدادی ٹیموں موقع پر پہنچ گئیں۔ لیسکو حکام کا کہنا ہے کہ گریڈ اسٹیشن میں دھماکہ کے باعث بجلی کا نظام متاثر ہوا۔

حکام کا کہنا ہے کہ آگ شارٹ سرکٹ کے باعث لگی، آگ نے  گرڈ اسٹیشن  کو اپنی لپیٹ میں لے لیا۔سارے علاقے کی بجلی بند ہو چکی ہے جبکہ آس پاس کی جگہوں کو خالی کرا لیا گیا۔

سبزہ زار ، گلشن راوی، ساندہ، اسلام پورہ ، سنت نگر میں بجلی بند، جبکہ  کریم بلاک، اقبال ٹاون،  یتیم خانہ، ٹاؤن شپ،ٹھوکر نیاز بیگ میں بھی رات سے  بجلی بند ہے۔