فیصل آباد: پی ٹی آئی کا کہنا ہے کہ سابق صوبائی وزیر اور پاکستان تحریک انصاف کے رہنما اور انتخابی امیدوار خیال احمد کاسترو کو فیصل آباد میں سیشن کورٹ کے سامنے سے نامعلوم افراد بدترین طریقے سے تشدد کر کے اغوا کر کے لے گئے۔
سماجی وابطے کی ویب سائٹ ایکس پر پاکستان تحریک انصاف کا کہنا ہے کہ اتنی کھلی درندگی پر بھی کیا سپریم کورٹ جیسے ادارے خواب خرگوش میں رہیں گے؟
سابق صوبائی وزیر اور تحریک انصاف کے ٹکٹ ہولڈر خیال احمد کاسترو کو سیشن کورٹ کے سامنے سے نامعلوم افراد بدترین طریقے اے تشدد کر کے اغوا کر کے لے گئے
اتنی کھلی درندگی پر بھی کیا سپریم کورٹ جیسے ادارے خواب خرگوش میں رہیں گے؟ pic.twitter.com/ycDbVHCwqZ
— PTI (@PTIofficial) January 19, 2024
میڈیا ذرائع کے مطابق پی ٹی آئی رہنما خیال احمد کاسترو کو سول کپڑوں میں ملبوس پولیس اہلکار زبردستی گاڑی میں ڈال کر لے گئے, پولیس نے مبینہ طور پر گرفتاری کے دوران لاٹھی چارج کیا اور اس کے بعد سابق وزیر کو نامعلوم مقام پر منتقل کر دیا۔
سابق صوبائی وزیر ضمانت کروانے کے لیے ضلع کچہری پہنچے تھے۔ یہ پیشرفت اس وقت سامنے آئی ہے جب وہ مئی کے نو مقدمات میں پولیس کو مطلوب تھے۔
خیال احمد کاسترو 2024 کے آئندہ عام انتخابات میں پی پی 118 فیصل آباد سے پی ٹی آئی کے امیدوار ہیں.
اس حوالے سے مونس الٰہی کا کہنا ہے کہ سابق صوبائی وزیر کاسترو صاحب کے ساتھ جو کیا گیا وہ سب نے دیکھا۔ اس گھٹیا حرکت سے نظام اور ننگا ہوا ہے۔
سابق صوبائی وزیر کاسترو صاحب کے ساتھ جو کیا گیا وہ سب نے دیکھا۔ اس گھٹیا ہرکت سے نظام اور ننگا ہوا ہے۔ الیکشن کمیشن کو PTI کے اندرونی انتخاب پر اعتراض ہے لیکن امیدواروں کے اغوا پر نہیں۔ pic.twitter.com/EkXdGMxKzJ
— Moonis Elahi (@MoonisElahi6) January 19, 2024
انہوں نے کہا کہ الیکشن کمیشن کو پاکستان تحریک انصاف کے اندرونی انتخاب پر اعتراض ہے لیکن امیدواروں کے اغوا پر نہیں۔