پشاور: علی محمد خان کو پی ٹی آئی ترجمان مقرر کردیاگیا ہے۔ علی محمد خان اور بیرسٹر گوہر خان سمیت 4 رہنماؤں کو پاکستان تحریک انصاف (پی ٹی آئی) کا ترجمان مقرر کیاگیا ہے۔
پی ٹی آئی اعلامیے کے مطابق شعیب شاہین اور رؤف حسن کو بھی پاکستان تحریک انصاف کا ترجمان مقرر کردیا گیا ہے۔
اعلامیے میں بتایا گیا کہ نامزد ترجمان قانونی اور سیاسی امور پر پارٹی موقف سے آگاہ کریں گے۔
خیال رہے کہ رؤف حسن سیکرٹری انفارمیشن پی ٹی آئی کے عہدے پر بھی فائز ہیں جبکہ شعیب شاہین پی ٹی آئی کی قانونی ٹیم کے رکن اور پارٹی چیئرمین کے وکیل ہیں۔