برطانیہ: ںوبل انعام یافتہ ملالہ یوسفزئی کی گریجویشن کی تقریب کے حوالے سے ان کے شوہر اثر ملک کا ٹویٹ بھی آگیا۔
تفصیلات کے مطابق حال ہی میں ملالہ یوسفزئی سے رشتہ ازدواج میں منسلک ہونے والے اثر ملک نے ملالہ کی گریجویشن کی تقریب کے موقع پر اپنے انسٹا گرام اکاؤنٹ پر ایک پوسٹ کی، جس میں ملالہ سے اپنی پہلی ملاقات کے بارے میں انکشاف کرتے ہوئے لکھا کہ وہ جگہ جہاں ہم پہلی بار ملے، ملالہ کے گریجویشن کے دن پر کچھ زیادہ خاص لگی۔
یاد رہے کہ ملالہ یوسفزئی نے گزشتہ برس آکسفورڈ یونیورسٹی سے اپنی ڈگری مکمل کی تھی اور اب ان کی باقاعدہ گریجویشن کی تقریب ہوئی ہے۔
دوسری جانب ملالہ یوسفزئی کے والد ضیاالدین یوسفزئی نے بھی ٹویٹ کے ذریعے ملالہ کے باقاعدہ گریجویٹ ہونے پر خوشی کا اظہار کیا ۔
ملالہ یوسفزئی نے بھی ٹوئیٹر پر گریجویشن ڈے کے موقع پر اپنی تصاویر شئیر کرتے ہوئے ٹویٹ کیا ۔
واضح رہے کہ ملالہ یوسفزئی نے 9 نومبر کو ایک ٹویٹ کے ذریعے یہ انکشاف کیا تھا کہ ان کا نکاح ہو گیا ہے۔ نکاح کے بعد ملالہ نے ایک مضمون میں بتایا تھا کہ اُن کی اور اثر کی پہلی ملاقات 2018 ءمیں اس وقت ہوئی تھی جب عصر اپنے دوستوں سے ملنے آکسفورڈ آئے تھے۔
خیال رہے کہ ملالہ نے 17 سال کی عمر میں امن کا نوبل انعام حاصل کیا تھا۔