اسلام آباد: بجلی صارفین کیلئے بری خبر ، بجلی 2 روپے 52 پیسے فی یونٹ مہنگی کر دی گئی ۔ صارفین سے 35 ارب روپے اضافی وصول کئے جائیں گے ۔
تفصیلات کے مطابق ، بجلی ستمبر کی ماہانہ فیول ایڈجسٹمنٹ کی مد میں مہنگی کی گئی ہے ۔ نیپرا نے بجلی کی قیمت میں اضافے کا نوٹیفکیشن جاری کر دیا ہے ، اضافہ نومبر 2021 کے بلوں میں وصول کیا جائے گا ۔ اضافے کا اطلاق کے الیکٹرک ، لائف لائن صارفین پر نہیں ہوگا ۔
حکومت نے پٹرول کی قیمتیں بڑھا کر جہاں عوام پر پٹرول بم پھینکے ہیں وہیں بجلی کی قیمتوں میں اضافہ کر کے ہائی وولٹج کے جھٹکے بھی دیدیے ہیں ۔
بجلی مہنگی کرنے سے صارفین کو اربوں روپے کا سالانہ بوجھ برداشت کرنا پڑیگا جس کے بعد جو 30 فیصد رعایت دینے کا وعدہ وزیر اعظم نے کیا ہے شاید اب وہ عوام کو بجلی کے بلوں اور پٹرول کی بڑھتی قیمتوں کی صورت میں دینا پڑیگا ۔
واضح رہے کہ آئی ایم کی شرائط پر حکومت نے بجلی مزید مہنگی کی ، نیپرا کے مطابق نئے ٹیرف کا اطلاق ایسے صارفین پر نہیں ہوگا جو ہر ماہ 200 یونٹس استعمال کرتے ہیں ۔