کراچی: مسلم لیگ فنکشنل کی مرکزی رہنما نصرت سحر عباسی عالمی وبا کورونا وائرس میں مبتلا ہو گئی ہیں، انھیں طبیعت بگڑنے پر ہسپتال منتقل کر دیا گیا ہے۔
نصرت سحر عباسی کی جانب سے جاری بیان میں کہا گیا ہے کہ میں ڈاکٹر کے مشورے پر ہسپتال میں شفٹ ہو گئی ہوں۔ میری خیریت معلوم کرنے کے لئے آپ سب فکرمند ہیں۔ سب کو نصیحت ہے کہ کورونا ابھی باقی ہے، اسی لئے احتیاط ضرور کریں۔
سماجی رابطوں کی ویب سائٹ ٹویٹر کے ذریعے جاری پیغام میں انہوں نے کہا کہ طبی ماہرین کے مشوروں پر میں ہسپتال منتقل ہو چکی ہوں۔ میری خیریت دریافت کرنے کے لئے آپ سب فکرمند ہیں اور کالز کر رھے ہیں جو کہ میں اٹینڈ نہیں کر سکتی۔
ان کا کہنا تھا کہ آپ کا شکریہ، دعا کیجئے انشاء اللہ جلد ٹھیک ہو جائوں لیکن سب کو نصیحت ہے کہ کورونا ابھی ہے، اس لئے احتیاط کا دامن نہ چھوڑیں اور اسے ضرور اپنائیں۔