دبئی: انٹرنیشنل کرکٹ کونسل (آئی سی سی) نے تازہ ترین ٹی 20 پلیئرز رینکنگ جاری کردی، جس میں بابر اعظم اور محمد رضوان کی ایک، ایک درجہ تنزلی ہوئی ہے، تاہم دونوں بدستور ٹاپ 10 بلے بازوں میں شامل ہیں۔ آسٹریلیا کے ٹریوس ہیڈ بدستور پہلی پوزیشن پر براجمان ہیں۔
بیٹرز کی فہرست میں بھارت کے ابھیشک شرما نے 38 درجے ترقی کرتے ہوئے دوسری پوزیشن حاصل کر لی، جبکہ بابر اعظم ساتویں اور محمد رضوان نویں نمبر پر پہنچ گئے۔
بولرز کی رینکنگ میں ویسٹ انڈیز کے عقیل حسین ایک درجے ترقی کے بعد دوبارہ نمبر ون بولر بن گئے، جبکہ انگلینڈ کے عادل رشید ایک درجہ تنزلی کے بعد دوسری پوزیشن پر چلے گئے۔
بھارت کے ورون چکرورتھی نے تین درجے ترقی کرکے تیسری پوزیشن حاصل کی، جبکہ روی بشنوئی چار درجے ترقی کے بعد چھٹے نمبر پر آگئے۔ اس فہرست میں کوئی بھی پاکستانی بولر ٹاپ 10 میں جگہ نہ بنا سکا۔
ٹی 20 آل راؤنڈرز کی درجہ بندی میں بھارت کے ہاردک پانڈیا اپنی پہلی پوزیشن برقرار رکھے ہوئے ہیں۔
تبصرے بند ہیں.