کیلیفورنیا :معروف میسجنگ ایپ واٹس ایپ نے اپنے صارفین کے لیے ایک نیا اور دلکش فیچر پیش کیا ہے۔ واٹس ایپ کے اینڈرائیڈ ڈیوائسز کے بیٹا (Beta) ورژن میں اسٹیٹس اپ ڈیٹس کے لیے میوزک شامل کرنے کی سہولت دی گئی ہے۔
WABetaInfo کی رپورٹ کے مطابق واٹس ایپ نے اپنے اسٹیٹس سیکشن میں ایک نیا میوزک آئیکون شامل کیا ہے، جو ڈرائنگ ایڈیٹر کے اوپر نظر آئے گا۔ اس آئیکون پر کلک کرکے صارفین اپنی پسندیدہ موسیقی کو تلاش کر کے اسٹیٹس کا حصہ بنا سکیں گے۔
تصاویر کے ساتھ اسٹیٹس میں 15 سیکنڈ تک کا گانا شامل کیا جا سکے گا۔
ویڈیوز کے لیے مختلف دورانیے کے گانے منتخب کرنے کا آپشن ہوگا۔
صارفین کو گانے کے مخصوص حصے کو منتخب کرنے کی سہولت بھی فراہم کی جائے گی۔
یہ فیچر اس وقت بیٹا ورژن میں محدود صارفین کے لیے دستیاب ہے۔ تاہم، اس کی تمام صارفین کے لیے فراہمی کی تاریخ کے بارے میں فی الحال کوئی معلومات نہیں دی گئیں۔
واٹس ایپ کا اسٹیٹس فیچر، جسے اسٹوریز کے نام سے بھی جانا جاتا ہے، صارفین کے درمیان بے حد مقبول ہے۔ موسیقی شامل کرنے کا یہ نیا فیچر اسٹیٹس کو مزید تخلیقی اور پُرکشش بنائے گا
تبصرے بند ہیں.