اسلام آباد: وفاقی تحقیقاتی ایجنسی (ایف آئی اے) نے توشہ خانہ کیس کے سلسلے میں عمران خان اور ان کی اہلیہ بشریٰ بی بی کے خلاف تحقیقات کے لیے ایک نئی 3 رکنی مشترکہ تحقیقاتی ٹیم (جے آئی ٹی) تشکیل دے دی ہے۔
اس ٹیم کی قیادت ایف آئی اے کے اسسٹنٹ ڈائریکٹر واجد حسین کریں گے، جبکہ سب انسپکٹر کاشف ریاض اور شمس خان بھی اس میں شامل ہیں۔ یہ ٹیم عمران خان اور بشریٰ بی بی سے تحقیقات کرے گی اور قانونی کارروائی کے لیے عدالت کی معاونت کرے گی۔
یاد رہے کہ توشہ خانہ کیس میں یہ الزام عائد کیا گیا ہے کہ عمران خان اور بشریٰ بی بی نے قیمتی تحائف کے متعلق ضابطے کی خلاف ورزی کی تھی، اور ایف آئی اے کی نئی ٹیم اس معاملے کی تفصیل سے تحقیقات کرے گی۔
تبصرے بند ہیں.