اسرائیلی فورسز کی غزہ اور مغربی کنارے میں بمباری، مزید 31 فلسطینی شہید

غزہ: اسرائیلی فوج کی جانب سے غزہ کے مختلف علاقوں پر بمباری کا سلسلہ جاری ہے، جس کے نتیجے میں پچھلے 24 گھنٹوں کے دوران مزید 31 فلسطینی شہید اور 57 زخمی ہوگئے ہیں۔ مرکزی بوریج پناہ گزین کیمپ پر حملے میں 4 فلسطینی شہید ہوگئے، جن میں ایک بچہ بھی شامل تھا۔ جنوبی رفاہ کے علاقوں پر بھی دو حملوں میں 4 فلسطینی شہید ہوگئے، جن میں 2 کسان بھی شامل تھے۔ نصیرات پناہ گزین کیمپ میں بھی دو فلسطینیوں کی شہادت کی خبریں موصول ہوئی ہیں۔

مقبوضہ مغربی کنارے میں بھی اسرائیلی بمباری جاری ہے، جس میں متعدد فلسطینی شہید ہوئے ہیں۔ اس دوران، شہداء کی تعداد 45,885 تک پہنچ چکی ہے، اور 1 لاکھ 9 ہزار سے زائد فلسطینی زخمی ہو چکے ہیں۔ اسرائیلی فوج نے مغربی کنارے میں ایمبولینسوں کے ذریعے چھاپے مارنے کا عمل شروع کر دیا ہے، جس کی ویڈیوز بھی سامنے آئی ہیں۔

اسرائیلی حملوں میں 2 فلسطینی شہید ہوئے ہیں، جن میں ایک خاتون بھی شامل ہے۔ حماس کے ساتھ جھڑپوں میں اسرائیلی فوج کا ایک کیپٹن اور میجر بھی ہلاک ہوگئے، جبکہ 4 سپاہی زخمی ہو گئے ہیں۔