نہم جماعت میں اسلامیات کے امتحان میں تبدیلی ،پرچہ 100 نمبروں کا کر دیا

لاہور:  رواں سال سے لاہور میں نہم جماعت کے اسلامیات کے لازمی امتحان کو 100 نمبروں کا کر دیا گیا ہے۔ اس تبدیلی کے بارے میں تعلیمی بورڈز نے تمام اسکولوں کو آگاہی دے دی ہے۔

آئندہ اسلامیات کے امتحان میں امیدواروں کو 3 گھنٹے کا وقت دیا جائے گا۔ اس ضمن میں پنجاب ٹیکسٹ بورڈ نے ماڈل پیپر بھی جاری کر دیے ہیں، جو تمام تعلیمی بورڈز کی ویب سائٹس پر دستیاب ہیں۔ قبل ازیں اسلامیات اور مطالعہ پاکستان کے امتحان میں 50، 50 نمبروں کا پرچہ لیا جاتا تھا۔