سیکیورٹی فورسز کی کامیاب کارروائیاں: 19 خارجی ہلاک، 3 فوجی جوان شہید

پشاور: خیبرپختونخوا کے مختلف علاقوں میں سکیورٹی فورسز نے دہشت گردوں کے خلاف تین اہم آپریشنز کیے، جن میں 19 خوارک ہلاک ہوئے جبکہ فائرنگ کے تبادلے میں تین پاک فوج کے جوان شہید ہو گئے۔

پاک فوج کے شعبہ تعلقات عامہ (آئی ایس پی آر) کے مطابق، یہ آپریشنز صوبے کے تین مختلف مقامات، پشاور کے علاقے متنی، ضلع مہمند کے بائیزئی اور ضلع کرک میں کیے گئے۔

ترجمان پاک فوج کے مطابق، پشاور متنی میں کیے گئے آپریشن میں 8 خارجی مارے گئے، مہمند بائیزئی میں بھی 8 خارجیوں کا خاتمہ کیا گیا، جب کہ کرک میں 3 خوارج  کو ہلاک کیا گیا۔

آئی ایس پی آر کے مطابق ان کارروائیوں میں سکیورٹی فورسز کے تین جوان بھی جامِ شہادت نوش کر گئے، جن کی قربانیاں قوم کے لیے فخر کا باعث ہیں۔

پاک فوج نے ان کامیاب آپریشنز کو دہشت گردی کے خلاف جنگ میں ایک اہم پیش رفت قرار دیتے ہوئے دہشت گردوں کے نیٹ ورک کو ختم کرنے کے عزم کا اعادہ کیا ہے۔