پاکستان سٹاک ایکسچینج میں تیزی کا رجحان

کراچی : پاکستان سٹاک مارکیٹ نے ایک بار پھر ملکی تاریخ کی سب سے بلند سطح کو چھو لیا ہے۔ کاروباری ہفتے کے پہلے دن ہی سٹاک مارکیٹ میں زبردست تیزی دیکھنے کو ملی، جس کے دوران ہنڈرڈ انڈیکس میں 1000 سے زائد پوائنٹس کا اضافہ ہوا اور یہ 1 لاکھ 18 ہزار 735 پوائنٹس تک پہنچ گیا۔

اس کے علاوہ گزشتہ ہفتے کے اختتام پر ہنڈرڈ انڈیکس 1 لاکھ 17 ہزار 586 پوائنٹس پر بند ہوا تھا۔دوسری جانب، انٹربینک مارکیٹ میں امریکی ڈالر کی قیمت مزید کم ہوئی ہے۔ کاروباری ہفتے کے آغاز پر ڈالر 11 پیسے سستا ہو کر 278 روپے 45 پیسے پر ٹریڈ کر رہا ہے، جب کہ گزشتہ ہفتے یہ 278 روپے 56 پیسے پر بند ہوا تھا۔