سونے کی قیمتوں میں کمی، مقامی مارکیٹ میں 24 قیراط کا فی تولہ سونا 275700 روپے پر پہنچا

کراچی :عالمی بلین مارکیٹ میں فی اونس سونے کی قیمت میں 18 ڈالر کی کمی آئی ہے، جس کے بعد سونا 2639 ڈالر فی اونس پر آگیا ہے۔

مقامی صرافہ مارکیٹوں میں بھی سونے کی قیمتوں میں کمی کا رجحان رہا۔ ہفتے کے روز 24 قیراط کے فی تولہ سونے کی قیمت 1200 روپے کم ہو کر 275700 روپے ہوگئی، اور فی 10 گرام سونے کی قیمت 1029 روپے کمی کے ساتھ 236368 روپے کی سطح پر پہنچ گئی۔

سونے کی قیمتوں میں کمی کے باوجود، چاندی کی قیمتوں میں کوئی تبدیلی نہیں آئی۔ ملک میں فی تولہ چاندی کی قیمت 3350 روپے اور فی 10 گرام چاندی کی قیمت 2872.08 روپے پر مستحکم رہی۔