صائم ایوب دائیں ٹخنے کی فریکچر کے باعث 6 ہفتے کے لیے کرکٹ سے باہر

پاکستان کرکٹ ٹیم کے اوپنر صائم ایوب دائیں ٹخنے میں فریکچر کے سبب 6 ہفتوں کے لیے کرکٹ سے دور ہو گئے ہیں۔

پاکستان کرکٹ بورڈ (پی سی بی) کی طرف سے جاری بیان کے مطابق، صائم ایوب جنوبی افریقہ کے خلاف دوسرے ٹیسٹ میچ کے پہلے دن فیلڈنگ کے دوران زخمی ہو گئے تھے۔ انہیں فوری طور پر میدان سے باہر لے جایا گیا اور ہسپتال منتقل کیا گیا، جہاں ایم آر آئی رپورٹ میں ان کے دائیں ٹخنے میں فریکچر کی تصدیق ہوئی۔

صائم ایوب کا ٹخنہ میڈیکل مون بوٹ کے ذریعے فکس کیا گیا ہے، لیکن فریکچر کی شدت کے باعث وہ 6 ہفتوں تک کرکٹ سے باہر رہیں گے۔

صائم ایوب ٹیسٹ سیریز کے دوران ٹیم کے ساتھ رہیں گے اور سیریز کے اختتام پر پاکستان واپس آئیں گے۔