پاکستان اور جنوبی افریقہ کے درمیان دوسرا ٹیسٹ میچ آج سے شروع ہوگا

کیپ ٹاؤن : پاکستان اور جنوبی افریقہ کے درمیان کرکٹ سیریز کا دوسرا ٹیسٹ آج سے کیپ ٹاؤن میں کھیلا جائے گا، جس میں جنوبی افریقہ کو ایک صفر کی برتری حاصل ہے۔

گزشتہ روز پاکستانی کرکٹرز نے بھرپور پریکٹس سیشن کیا، جس میں کھلاڑیوں نے دو گھنٹے تک مختلف تکنیکی اور فزیکل پریکٹس کی۔ جنوبی افریقہ کے خلاف دوسرے ٹیسٹ کے لیے قومی ٹیم میں ایک تبدیلی کی جا رہی ہے، اور فاسٹ بولر عامر جمال کو ڈراپ کرنے کا فیصلہ کیا گیا ہے۔ عامر جمال کی جگہ فاسٹ بولر میرحمزہ کو ٹیم میں شامل کرنے کا امکان ہے۔

سپنر سلمان علی آغا پر بھی ٹیم مینجمنٹ کی نظر ہے، جنہوں نے 18 ٹیسٹ میچز میں 58.75 کی اوسط سے 16 وکٹیں حاصل کی ہیں، اور ان کی ٹیم میں شمولیت کی بھی امید ہے۔

پاکستانی کرکٹر سلمان علی آغا نے کہا کہ "ٹیم کا حوصلہ بلند ہے، اور ہم نے پہلے ٹیسٹ میں کی جانے والی غلطیوں سے سیکھا ہے۔ ہماری کوشش ہے کہ دوسرے ٹیسٹ میں بہتر کارکردگی کا مظاہرہ کریں۔”