پی ایس ایل سیزن 10 کی ڈرافٹنگ کا وینیو لاہور منتقل ہونے پر غور

لاہور : پاکستان سپر لیگ (پی ایس ایل) سیزن 10 کی ڈرافٹنگ کا وینیو تبدیل کرنے پر غور کیا جا رہا ہے، اور امکان ظاہر کیا جا رہا ہے کہ یہ ڈرافٹنگ گوادر سے لاہور منتقل کی جا سکتی ہے۔ ذرائع کے مطابق، پی ایس ایل سیزن 10 کے لاجسٹک مسائل کے پیش نظر لاہور میں 11 جنوری کو ڈرافٹنگ کی تقریب منعقد ہونے کا امکان ہے۔

یاد رہے کہ پہلے پاکستان کرکٹ بورڈ نے پی ایس ایل سیزن 10 کا پلیئر ڈرافٹ گوادر میں کرانے کا اعلان کیا تھا۔ پی سی بی نے پی ایس ایل 10 کی ونڈو 7 اپریل سے 20 مئی تک رکھی ہے۔