سابق وزیراعلیٰ گلگت خالد خورشید کو 34 سال قید کی سزا سنادی گئی

گلگت: گلگت کی انسداد دہشت گردی عدالت نے سابق وزیراعلیٰ گلگت بلتستان خالد خورشید کو سنگین نتائج کی دھمکیاں دینے کے جرم میں 34 سال قید کی سزا سنا دی ہے۔

عدالت نے ان پر 6 لاکھ روپے جرمانہ بھی عائد کیا ہے۔ خالد خورشید نے 26 مئی 2024 کو ایک جلسے کے دوران سکیورٹی اداروں، چیف سیکرٹری اور چیف الیکشن کمشنر جی بی کو سنگین نتائج کی دھمکیاں دیں۔ ان کے خلاف انسداد دہشت گردی ایکٹ کے تحت مقدمہ درج کیا گیا تھا۔

عدالت نے پولیس کو حکم دیا کہ خالد خورشید کو گرفتار کر کے جیل منتقل کیا جائے اور ان کا شناختی کارڈ بھی بلاک کیا جائے۔ خالد خورشید اس مقدمے کی کارروائی سے غیر حاضر رہے اور روپوش رہے، لیکن عدالت نے ان کی عدم موجودگی میں فیصلہ سنایا۔