امریکا کے سابق صدر جمی کارٹر انتقال کر گئے

واشنگٹن : امریکا کے 39 ویں صدر جمی کارٹر 100 برس کی عمر میں انتقال کر گئے۔ ان کا انتقال جارجیا میں اپنے گھر پر اتوار کی دوپہر ہوا۔ جمی کارٹر جارجیا کے مونگ پھلی کے کاشتکار تھے اور 1977 سے 1981 تک امریکا کے صدر رہے۔

ان کے دورِ صدارت میں امریکا کو معیشت کی مشکلات اور ایران یرغمالی بحران کا سامنا تھا۔ جمی کارٹر نے اسرائیل اور مصر کے درمیان امن کے قیام میں بھی اہم کردار ادا کیا، جس کے لیے انہیں 2002 میں نوبیل انعام سے نوازا گیا۔

جمی کارٹر امریکا کے پہلے صدر تھے جنہوں نے 100 سال کی عمر پائی۔ امریکی صدر جو بائیڈن نے ان کی تدفین سرکاری اعزاز کے ساتھ کرنے کا اعلان کیا ہے۔

جمی کارٹر یکم اکتوبر 1924 کو جارجیا کے شہر پلنز میں پیدا ہوئے اور اپنا بچپن جارجیا کے شہر آرچری میں گزارا۔ 1946 میں امریکی نیول اکیڈمی سے گریجویشن کے بعد انہوں نے امریکی بحریہ میں خدمات انجام دیں۔ بعد میں سیاست میں قدم رکھا اور جارجیا کے گورنر بننے کے بعد 1976 میں امریکا کے صدر منتخب ہوئے۔