پاکستان میں ایچ آئی وی کے 12 ہزار 950 کیسز کا امکان، ماہرین کا تجزیہ

اسلام آباد: وفاقی وزارت صحت (نیشنل ہیلتھ سروسز) نے بتایا ہے کہ رواں سال کے ابتدائی 9 ماہ میں پاکستان بھر میں 9 ہزار 713 نئے پولیو کیسز رپورٹ ہوئے ہیں، جس سے ظاہر ہوتا ہے کہ ملک بھر میں ہر ماہ اوسطاً 1 ہزار 79 نئے پولیو کیسز سامنے آ رہے ہیں۔

انگریزی اخبار ’دی نیوز‘ کی رپورٹ کے مطابق وزارت صحت کے حکام نے تشویش ظاہر کی ہے کہ 2023 کے اختتام تک پاکستان میں ایچ آئی وی کے 12 ہزار 950 کیسز سامنے آ سکتے ہیں، جب کہ گزشتہ سال 2023 میں ایچ آئی وی کے 12 ہزار 731 کیسز رپورٹ ہوئے تھے۔ حکام کا کہنا ہے کہ 2024 میں ایچ آئی وی کے کیسز کی تعداد 2023 کے مقابلے میں 200 زیادہ ہو سکتی ہے۔

2024 میں ایچ آئی وی کے سب سے زیادہ کیسز پنجاب میں رپورٹ ہوئے جہاں 5 ہزار 691 کیسز ریکارڈ کیے گئے۔ سندھ میں 2 ہزار 383، خیبرپختونخوا میں 926 اور بلوچستان میں 329 کیسز رپورٹ ہوئے ہیں۔ اسلام آباد میں 9 مہینوں کے دوران 378 اور آزاد کشمیر میں 10 ایچ آئی وی کیسز رپورٹ ہوئے ہیں۔

وفاقی وزارت صحت کے مطابق، ایچ آئی وی کے متاثرین میں مردوں کی شرح 69.4 فیصد، خواتین کی 20.5 فیصد، بچوں کی 6 فیصد اور خواجہ سراؤں کی 4.1 فیصد ہے۔

رپورٹ میں ماہرین کا کہنا ہے کہ ملک میں غیر محفوظ جنسی تعلقات کے بڑھتے ہوئے رجحانات ایچ آئی وی کے پھیلاؤ کا اہم سبب ہیں۔ ماہرین کے مطابق، ہم جنس پرستی، ٹرانس جینڈرز کے ساتھ جنسی تعلقات، انجکشنز کے ذریعے منشیات کا استعمال اور غیر محفوظ جنسی تعلقات ایچ آئی وی کے پھیلنے کی بنیادی وجوہات ہیں