پاکستان میں سونے کی قیمتوں میں استحکام، عالمی ذخائر کی رینکنگ میں پاکستان 46ویں نمبر پر

کراچی :کاروباری ہفتے کے آخری دن پاکستان میں سونے کی قیمتوں میں کوئی تبدیلی نہیں آئی۔ آل پاکستان جیمز اینڈ جیولرز ایسوسی ایشن کے مطابق، فی تولہ سونا 2 لاکھ 73 ہزار 200 روپے پر برقرار رہا، جبکہ 10 گرام سونا 2 لاکھ 34 ہزار 225 روپے پر مستحکم رہا۔

ورلڈ گولڈ کونسل کے تازہ ترین اعداد و شمار کے مطابق، دنیا میں سب سے زیادہ سونے کے ذخائر رکھنے والا ملک امریکا ہے، جس کے پاس 8133 ٹن سونا موجود ہے۔ اس کے بعد جرمنی 3352 ٹن سونے کے ذخائر کے ساتھ دوسرے، اٹلی 2451 ٹن سونے کے ذخائر کے ساتھ تیسرے، فرانس 2436 ٹن سونے کے ذخائر کے ساتھ چوتھے، روس 2332 ٹن سونے کے ذخائر کے ساتھ پانچویں، چین 2191 ٹن سونے کے ذخائر کے ساتھ چھٹے، سوئٹزرلینڈ 1040 ٹن سونے کے ذخائر کے ساتھ ساتویں، جاپان 845 ٹن سونے کے ذخائر کے ساتھ آٹھویں، بھارت 800 ٹن سونے کے ذخائر کے ساتھ نویں اور نیدرلینڈز 612 ٹن سونے کے ذخائر کے ساتھ دسویں نمبر پر ہے۔

پاکستان 64 ٹن سونے کے ذخائر کے ساتھ عالمی رینکنگ میں 46 ویں نمبر پر ہے۔