نورا فتیحی کو بھارت میں ٹرین کے سفر کے دوران اپنی شناخت چھپانے کی کوشش

ممبئی:بالی ووڈ کی معروف رقاصہ و اداکارہ نورا فتیحی نے بھارت میں ٹرین کے ذریعے سفر کرنے کا فیصلہ تو کیا، لیکن اس دوران انہیں عوام کی نظروں سے بچنے کے لیے احتیاطی تدابیر اختیار کرنی پڑیں۔

بھارتی میڈیا کے مطابق، نورا فتیحی نے اپنے ٹیم ممبر کی شادی میں شرکت کے لیے بھارتی شہر رتنا گیری جانے کے لیے ڈاڈر سے ٹرین کا سفر کیا۔ اس دوران انہوں نے سیاہ رنگ کا لباس اور فیس ماسک پہنا تاکہ اپنی پہچان کو چھپایا جا سکے۔

بعد ازاں، نورا فتیحی نے شادی کی تقریب میں شرکت کی اور اس خوشی کے موقع کی تصاویر اور ویڈیوز سوشل میڈیا پر شیئر کیں، جسے مداحوں نے پسند کیا اور خوب سراہا۔