ژوہائی: تیز رفتار گاڑی سے 35 افراد کی ہلاکت پر مجرم کو سزائے موت

چین :چین کی عدالت نے جنوبی شہر ژوہائی میں 12 نومبر کو تیز رفتار گاڑی چڑھا کر 35 افراد کو ہلاک کرنے والے 62 سالہ فین کو سزائے موت دے دی۔

یہ واقعہ ایک اسپورٹس سینٹر کے باہر پیش آیا، جہاں فین نے جان بوجھ کر اپنی ایس یو وی گاڑی لوگوں پر چڑھا دی۔ پولیس نے فوری طور پر مجرم کو زخمی حالت میں گرفتار کر لیا تھا۔

عدالت نے اس جرم کو انتہائی سنگین قرار دیتے ہوئے کہا کہ اس کے اثرات معاشرتی لحاظ سے بہت خطرناک تھے۔ سماعت کے دوران فین نے جرم کا اعتراف کیا اور بتایا کہ طلاق اور جائیداد کی تقسیم سے مایوس ہو کر اس نے یہ قدم اٹھایا تھا۔

چینی سرکاری میڈیا کے مطابق فین نے عدالت میں اپنی غلطی کو تسلیم کیا، جس کے بعد اسے سزائے موت سنائی گئی۔