قازقستان میں طیارہ حادثہ، 39 افراد ہلاک

باکو : آذربائیجان کا ایک مسافر طیارہ قازقستان کے ایئرپورٹ کے قریب گر کر تباہ ہوگیا، جس میں 39 افراد ہلاک اور 28 زخمی ہو گئے ہیں۔ یہ طیارہ باکو سے گروزنی (چیچنیا) جا رہا تھا، اور جس  میں عملے سمیت 67 افراد سوار تھے، جو  آذربائیجان، قازقستان، کرغزستان اور روس کے شہری شامل تھے۔

ابتدائی تحقیقات کے مطابق حادثہ ایک پرندے کے طیارے سے ٹکرانے کے بعد ہنگامی لینڈنگ کے دوران پیش آیا۔ آذربائیجان نے اس حادثے کی تحقیقات کرنے کا اعلان کیا ہے تاکہ وجوہات کا پتہ چلایا جا سکے۔

اس حادثے پر روسی صدر ولادی میر پیوٹن نے گہرے افسوس کا اظہار کیا اور امدادی کارروائیوں میں مدد فراہم کرنے کا وعدہ کیا۔ پاکستان کے صدر آصف علی زرداری اور وزیراعظم شہباز شریف نے بھی اس سانحے پر دکھ کا اظہار کیا اور کہا کہ پاکستان اس مشکل وقت میں آذربائیجان کے ساتھ ہے۔