محمد نواز شریف کی 75ویں سالگرہ آج منائی جا رہی ہے

لاہور : پاکستان مسلم لیگ ن کے صدر اور سابق وزیراعظم محمد نواز شریف نے اپنی زندگی کی 75 بہاریں مکمل کر لیں۔ 25 دسمبر 1949 کو لاہور میں پیدا ہونے والے نواز شریف کا تعلق ایک کشمیری خاندان سے ہے۔ انہوں نے ابتدائی تعلیم گورنمنٹ کالج لاہور سے حاصل کی اور پھر پنجاب یونیورسٹی لاء کالج سے قانون کی ڈگری بھی حاصل کی۔

نواز شریف نے 1981 میں وزیر خزانہ پنجاب کے طور پر سیاست میں قدم رکھا اور بعد ازاں 1985 سے 1990 تک وزیراعلیٰ پنجاب رہے۔ وہ تین بار وزیراعظم پاکستان بنے: پہلی بار 1990 سے 1993 تک، پھر 1997 سے 1999 تک اور تیسری بار 2013 سے 2017 تک۔ نواز شریف کا سب سے بڑا کارنامہ 28 مئی 1998 کو پاکستان کے ایٹمی دھماکوں کا کامیاب انعام تھا، جس کے نتیجے میں پاکستان دنیا کا ساتواں اور مسلم ممالک کا واحد ایٹمی طاقت بن گیا۔

2006 میں، انہوں نے بینظیر بھٹو کے ساتھ میثاق جمہوریت پر دستخط کر کے فوجی حکومت کے خاتمے کے عزم کا اظہار کیا۔ اگرچہ نواز شریف نے تین بار وزیر اعظم کا منصب سنبھالا، مگر وہ کبھی بھی اپنی آئینی مدت پوری نہ کر سکے۔