پاکستان سٹاک ایکسچینج میں تیزی کا سلسلہ جاری

کراچی : پاکستان سٹاک ایکسچینج میں تیزی کا رجحان برقرار ہے، جہاں انڈیکس نے ایک بار پھر 15 ہزار پوائنٹس کی سطح کو چھو لیا۔ کاروباری ہفتے کے دوسرے دن مارکیٹ میں کاروبار کے آغاز سے ہی تیزی دیکھی گئی، اور ٹریڈنگ کے دوران ہنڈرڈ انڈیکس میں 1000 سے زائد پوائنٹس کا اضافہ ہوا۔ اس کے بعد انڈیکس 1 لاکھ 15 ہزار 036 پوائنٹس تک پہنچ گیا۔

گزشتہ روز بھی مارکیٹ میں زبردست تیزی تھی، اور ایک موقع پر انڈیکس 4500 سے زائد پوائنٹس بڑھا تھا، جس سے 1 لاکھ 14 ہزار پوائنٹس کی حد بحال ہو گئی تھی، لیکن دن کے اختتام پر مارکیٹ 1 لاکھ 13 ہزار 924 پوائنٹس پر بند ہوئی۔ دوسری طرف، انٹربینک مارکیٹ میں ڈالر کی قیمت میں کمی کا سلسلہ جاری ہے۔ کاروباری ہفتے کے دوسرے روز انٹربینک میں ڈالر کی قیمت میں 17 پیسے کی مزید کمی ہوئی، جس کے بعد ڈالر 278.57 روپے سے کم ہو کر 278.40 روپے پر ٹریڈ ہو رہا ہے۔