امریکی ایوان نمائندگان نے اخراجات کے بل کی منظوری دے دی

واشنگٹن : امریکی ایوان نمائندگان نے اخراجات کے بل کو تیسری ووٹنگ میں منظور کر لیا، جس سے امریکا میں آدھی رات کو ہونے والے شٹ ڈاؤن کا خطرہ ٹل گیا۔ حکومت کے پیش کردہ اس بل کے حق میں 366 ارکان نے ووٹ دیا، جبکہ 34 ارکان نے مخالفت کی۔

بل کے مطابق، حکومت کو مارچ 2025 تک قدرتی آفات کے لیے 100 بلین ڈالر اور کسانوں کی مدد کے لیے 10 بلین ڈالر فراہم کیے جائیں گے۔ بل کو اب سینیٹ میں حتمی منظوری کے لیے بھیجا جائے گا۔ اگر بل مسترد ہو جاتا تو تمام سرکاری ادارے آدھی رات سے بند ہو جاتے کیونکہ ان کے پاس اخراجات کے لیے فنڈز نہیں ہوتے۔

اس سے قبل ایوان میں ڈیموکریٹس اور ری پبلکنز دونوں نے خبردار کیا تھا کہ اگر حکومت کو شٹ ڈاؤن کی اجازت دی گئی تو یہ ایک سنگین غلطی ہوگی۔ اس صورتحال سے بچنے کے لیے کانگریس کے اراکین ایک عبوری بجٹ پیکیج پر کام کر رہے تھے تاکہ وفاقی اداروں کے لیے اگلے سال مارچ تک فنڈز فراہم کیے جا سکیں۔