سوات اور گردونواح میں زلزلے کے جھٹکے

سوات : خیبرپختونخوا کے ضلع سوات اور اس کے ارد گرد کے علاقوں میں زلزلے کے جھٹکے محسوس کیے گئے۔ زلزلہ پیما مرکز کے مطابق، زلزلے کی شدت ریکٹر اسکیل پر 4.1 ریکارڈ کی گئی، اور اس کی گہرائی 199 میٹر تھی۔ زلزلے کا مرکز افغانستان اور تاجکستان کے سرحدی علاقے میں تھا۔

زلزلے کے جھٹکوں کے باعث لوگوں میں خوف و ہراس پھیل گیا اور بہت سے افراد کلمہ طیبہ پڑھتے ہوئے اپنے گھروں سے باہر نکل آئے۔ تاہم، خوش قسمتی سے اس زلزلے کے نتیجے میں کسی قسم کا جانی یا مالی نقصان ہونے کی کوئی اطلاع نہیں آئی۔