شاہینوں کی شاندار بیٹنگ: پاکستان نے جنوبی افریقہ کو 330 رنز کا ہدف دے دیا

کیپ ٹاؤن: پاکستان نے جنوبی افریقا کو 330 رنز کا ہدف دے دیا ہے، جس کے بعد میچ کے دوسرے ون ڈے میں میزبان ٹیم کے لیے بڑا چیلنج سامنے آ گیا ہے۔

کیپ ٹاؤن میں کھیلے جانے والے اس میچ میں جنوبی افریقی کپتان ٹیمبا باووما نے ٹاس جیت کر پاکستان کو بیٹنگ کی دعوت دی۔ پاکستان کی ٹیم نے 49.5 اوورز میں 329 رنز بنائے اور پوری ٹیم آؤٹ ہو گئی۔

پاکستان کی جانب سے بابر اعظم نے 73، محمد رضوان نے 80 اور سلمان علی آغا نے 33 رنز کی اننگز کھیلی۔ صائم ایوب 25 رنز بنا کر آؤٹ ہوئے جبکہ عبداللہ شفیق بغیر کوئی اسکور کیے چلتے بنے۔ کامران غلام نے اختتامی اوورز میں جارحانہ بیٹنگ کرتے ہوئے 32 گیندوں پر 63 رنز بنائے، جن میں 5 چھکے بھی شامل تھے۔ عرفان خان نے 15، شاہین آفریدی نے 16 اور حارث رؤف نے 6 رنز بنائے۔

جنوبی افریقہ کی جانب سے مفاکا نے 4 اور مارکو یانسن نے 3 وکٹیں حاصل کیں۔

جنوبی افریقا نے اس میچ کے لیے اپنی ٹیم میں 4 تبدیلیاں کی ہیں، جبکہ پاکستان نے اپنی جیتنے والی ٹیم کو برقرار رکھا اور کوئی تبدیلی نہیں کی۔

یاد رہے کہ پاکستان نے پہلے ون ڈے میں جنوبی افریقا کو 3 وکٹوں سے شکست دے کر سیریز میں 1-0 کی برتری حاصل کی تھی۔