غزہ : جنگ بندی اور قیدیوں کے تبادلے کے معاہدے پر اہم پیشرفت

غزہ : غزہ میں جنگ بندی اور قیدیوں کے تبادلے کے معاہدے پر اہم پیشرفت ہوئی ہے۔ عرب میڈیا کے مطابق، حماس نے اسرائیلی فورسز کے مکمل انخلا اور جنگ بندی کی اپنی شرائط سے پیچھے ہٹتے ہوئے، بیمار، بزرگ اور خواتین فوجی یرغمالیوں کی رہائی پر رضامندی ظاہر کی ہے۔ اس کے علاوہ، حماس نے عمر رسیدہ فلسطینی قیدیوں کو قطر اور ترکی منتقل کرنے کی بھی اجازت دے دی ہے۔

حماس نے شمالی غزہ میں اسرائیلی چیک پوسٹوں کے قیام کی مخالفت کی ہے۔ غیر ملکی خبررساں ایجنسیوں کے مطابق، حماس نے کہا ہے کہ اگر اسرائیل نئی شرائط نہ لگائے تو جنگ بندی معاہدہ ممکن ہو سکتا ہے۔ قاہرہ میں اس وقت غزہ جنگ بندی کے مذاکرات جاری ہیں اور امکان ظاہر کیا جا رہا ہے کہ چند دنوں میں جنگ بندی ہو سکتی ہے۔