گریڈ 21 سے 18 تک کے افسران کی اہم وزارتوں اور صوبوں میں تعیناتیاں مکمل
اسلام آباد: اسٹیبلشمنٹ ڈویژن نے مختلف وفاقی افسران کی تقرریوں اور تبادلوں کا نوٹیفکیشن جاری کر دیا ہے، جس کے مطابق اہم عہدوں پر افسران کی خدمات مختلف وزارتوں اور صوبوں کے حوالے کی گئی ہیں۔
- گریڈ 21 کے سہیل علی خان کو وزارتِ اطلاعات و نشریات میں تعینات کر دیا گیا ہے۔
- گریڈ 20 کے محمد عمر چیمہ کو وزارتِ امورِ کشمیر میں بطور چیف فنانس اینڈ اکاؤنٹس افسر تعینات کیا گیا ہے۔
- گریڈ 20 کے شہزاد اقبال رانا کو وزارت اقتصادی امور میں بطور چیف فنانس اینڈ اکاؤنٹس افسر منتقل کیا گیا ہے۔
- گریڈ 18 کے کیپٹن ریٹائرڈ علی بن طارق کی خدمات وزارتِ داخلہ کے سپرد کی گئی ہیں، جہاں وہ نیشنل کرائسسز انفارمیشن مینجمنٹ سیل میں تعینات ہوں گے۔
- گریڈ 19 کے عبد القیوم پتافی کی خدمات سندھ حکومت سے واپس لے کر بلوچستان حکومت کے حوالے کر دی گئی ہیں۔
- گریڈ 18 کے شہزادہ عمر عباس بابر کی خدمات بھی بلوچستان حکومت کے سپرد کر دی گئی ہیں۔
اسٹیبلشمنٹ ڈویژن کے مطابق، تمام تبادلے اور تقرریاں فوری طور پر نافذ العمل ہوں گی، اور متعلقہ افسران کو ذمہ داریاں سنبھالنے کی ہدایت کی گئی ہے۔
تبصرے بند ہیں.