او جی ڈی سی ایل کی لکی مروت میں ہائیڈرو کاربن کی کامیاب دریافت

لکی مروت: خیبر پختونخوا کے ضلع لکی مروت کے بیٹانی-2 کنویں میں گیس اور کنڈینسیٹ کے نئے ذخائر کی اہم دریافت ہوئی ہے۔ او جی ڈی سی ایل کے ترجمان نے تصدیق کی ہے کہ یہ ذخائر ولی بلاک ساماناسک فارمیشن میں دریافت ہوئے ہیں، جو اس علاقے میں پہلی ہائیڈرو کاربن دریافت ہے۔

ابتدائی طور پر یومیہ 21 لاکھ 14 ہزار مکعب فٹ گیس اور 74 بیرل خام تیل کی پیداوار متوقع ہے۔ او جی ڈی سی ایل نے اس دریافت کے بعد مزید کنویں کھودنے کی منصوبہ بندی کی ہے تاکہ توانائی کی پیداوار کو مزید بڑھایا جا سکے۔

یہ دریافت نہ صرف پاکستان کی توانائی کی ضروریات کو پورا کرنے میں مددگار ثابت ہوگی بلکہ مقامی معیشت کے لیے بھی اہم ہے، جس سے روزگار کے مواقع پیدا ہونے اور توانائی کے شعبے میں مزید ترقی کی توقع ہے۔