اقوام متحدہ کی جنرل اسمبلی میں غزہ میں جنگ بندی کی قرارداد منظور

نیو یارک : اقوام متحدہ کی جنرل اسمبلی نے غزہ میں فوری اور غیرمشروط جنگ بندی کی قرارداد منظور کر لی ہے۔ اس قرارداد میں اسرائیل اور حماس سے تمام یرغمالیوں کی رہائی کا مطالبہ کیا ہے۔

جنرل اسمبلی میں اس قرارداد کے حق میں 193 رکن ممالک میں سے 158 نے ووٹ دیا، جبکہ امریکا، اسرائیل اور سات دیگر ممالک نے اس کے خلاف ووٹ دیا۔ 13 ممالک اس ووٹنگ میں حاضر نہ ہوئے۔

اس اجلاس میں ایک اور اہم قرارداد بھی منظور کی گئی جس میں اقوام متحدہ کی امدادی ایجنسی "انروا” کے حق میں فیصلہ کیا گیا۔ اس قرارداد میں اسرائیل سے مطالبہ کیا گیا کہ وہ انروا کے مینڈیٹ کا احترام کرے اور بین الاقوامی قوانین کی پاسداری کرے۔ اس کے علاوہ، اسرائیل سے یہ بھی درخواست کی گئی کہ وہ غزہ میں امدادی کاموں کی راہ میں رکاوٹ نہ ڈالے اور انسانی امداد کی فراہمی میں مدد فراہم کرے۔

خیال رہے کہ 7 اکتوبر 2023 کے بعد سے اسرائیلی حملوں میں 44,805 فلسطینی شہید ہو چکے ہیں اور 106,257 سے زائد زخمی ہو چکے ہیں، جن میں زیادہ تر بچے اور خواتین شامل ہیں۔