پاکستان سٹاک ایکسچینج میں نیا ریکارڈ، انڈیکس 111,000 پوائنٹس کی سطح پر پہنچ گیا

کراچی : پاکستان سٹاک ایکسچینج نے کاروباری ہفتے کے دوسرے روز ایک نیا سنگ میل عبور کیا، جب ہنڈرڈ انڈیکس 1 لاکھ 11 ہزار 14 پوائنٹس کی بلند ترین سطح تک پہنچا۔ مارکیٹ کے آغاز پر ہی زبردست تیزی دیکھنے کو ملی، جس کے دوران انڈیکس میں 1000 سے زائد پوائنٹس کا اضافہ ہوا۔

اس سے پہلے کاروباری ہفتے کے پہلے دن بھی مارکیٹ میں مثبت رجحان رہا تھا، اور انڈیکس 916 پوائنٹس کے اضافے کے ساتھ 1 لاکھ 9 ہزار 970 پوائنٹس پر بند ہوا تھا۔

دوسری طرف، انٹربینک مارکیٹ میں امریکی ڈالر کی قیمت میں کمی کا سلسلہ جاری رہا۔ دوسرے دن انٹربینک میں ڈالر 8 پیسے سستا ہو کر 277.90 روپے پر ٹریڈ ہو رہا تھا، جب کہ اس سے پہلے یہ 277.98 روپے پر تھا۔