وزیراعظم شہباز شریف نے شام سے پاکستانیوں کے انخلا کے لیے لبنان سے مدد کی درخواست کردی

اسلام آباد : وزیراعظم محمد شہباز شریف نے شام میں پھنسے پاکستانیوں کے انخلا کے لیے لبنان سے تعاون طلب کیا ہے۔ انہوں نے لبنانی وزیراعظم سے ٹیلی فون پر بات کی اور درخواست کی کہ لبنان پاکستانی شہریوں کے شام سے انخلا کے لیے ویزے جاری کرے، کیونکہ شام کے تمام ایئرپورٹس بند ہیں اور اس وقت تقریباً 600 پاکستانی وہاں موجود ہیں۔

وزیراعظم  نے کہا کہ پاکستانیوں کا شام سے انخلا لبنان کے ذریعے ہی ممکن ہے۔ اس پر لبنانی وزیراعظم نے یقین دہانی کرائی کہ لبنان ہر ممکن تعاون فراہم کرے گا اور تمام پاکستانیوں کو ویزے جاری کیے جائیں گے، چاہے ان کی تعداد 600 ہو یا اس سے زیادہ ہو۔