لاہور: محکمہ موسمیات کی پیش گوئی، بارش کے امکانات نہیں، لیکن سردی کی لہر برقرار

لاہور: محکمہ موسمیات نے کہا ہے کہ لاہور میں آئندہ دو دن تک بارش کا امکان نہیں۔ پنجاب کے مختلف اضلاع میں بارش ہوئی ہے اور پہاڑی علاقوں میں برف باری سے سردی کی شدت میں اضافہ ہوا ہے، تاہم لاہور شہر میں بادل بن کر گزر گئے اور بارش نہیں ہوئی۔ اس کے باوجود شہر میں سردی کی لہر محسوس کی جا رہی ہے۔

محکمہ موسمیات کے مطابق، لاہور میں آج کم سے کم درجہ حرارت 7 ڈگری سینٹی گریڈ اور زیادہ سے زیادہ 21 ڈگری سینٹی گریڈ کے درمیان رہنے کا امکان ہے۔ آئندہ 48 گھنٹوں میں بارش کے کوئی امکانات نہیں ہیں، تاہم دو دن بعد ایک نیا بارش برسانے والا سسٹم لاہور میں داخل ہونے کی توقع ہے، جس سے شہر میں بارش ہونے کا امکان ہے۔