فائنل میں بنگلہ دیش نے بھارت کو شکست دے کر انڈر 19 ایشیا کپ کا ٹائٹل اپنے نام کر لیا

دبئی: بنگلہ دیش نے انڈر 19 ایشیا کپ کے فائنل میں بھارت کو 59 رنز سے شکست دے کر چیمپئن بننے کا اعزاز حاصل کر لیا۔

فائنل میچ میں بنگلہ دیش نے پہلے بیٹنگ کرتے ہوئے 198 رنز بنائے۔ بھارت نے 199 رنز کا ہدف حاصل کرنے کے لیے بیٹنگ کا آغاز کیا، مگر 36ویں اوور میں 139 رنز پر آل آؤٹ ہو گئی۔

بھارت کی طرف سے محمد امان نے 26 اور ہاردک راج نے 24 رنز بنائے، مگر وہ ٹیم کو فتح دلانے میں ناکام رہے۔ بنگلہ دیش کے باؤلرز نے شاندار کارکردگی کا مظاہرہ کیا، عزیز الحاکم اور اقبال حسین نے 3، 3 وکٹیں حاصل کیں جبکہ الفاحد نے 2 وکٹیں اپنے نام کیں۔

پاکستان نے سیمی فائنل میں بنگلہ دیش کے خلاف 7 وکٹوں سے شکست کا سامنا کیا۔ پاکستان کی ٹیم 37 اوورز میں 116 رنز بنا سکی، جس میں 4 کھلاڑی بغیر کسی رن کے آؤٹ ہو گئے۔ بنگلہ دیش نے 23ویں اوور میں 3 وکٹوں کے نقصان پر 117 رنز بنا کر سیمی فائنل جیتا اور فائنل میں جگہ بنائی۔

بنگلہ دیش نے اپنی شاندار کارکردگی کے ذریعے انڈر 19 ایشیا کپ کا ٹائٹل جیت لیا، جبکہ بھارت اور پاکستان کو شکست دی۔