خیبر پختونخوا میں دہشتگردی کے بڑھتے واقعات، 142 پولیس اہلکار اور 133 شہری شہید، 246 دہشتگرد ہلاک

پشاور: سی ٹی ڈی نے خیبر پختونخوا میں ہونے والی دہشتگردی کے واقعات کی رپورٹ جاری کر دی ہے۔ رپورٹ کے مطابق، 2023 میں دہشتگردوں کی جانب سے 636 واقعات کیے گئے، جن میں 142 پولیس اہلکار اور 133 شہری شہید ہوئے۔
رپورٹ میں یہ بھی بتایا گیا کہ دہشتگردوں کی کارروائیوں میں 6 خودکش حملے، 113 آئی ای ڈی دھماکے، اور 355 فائرنگ کے واقعات شامل ہیں۔ ان حملوں میں 214 پولیس اہلکار اور 246 شہری زخمی ہوئے۔
سی ٹی ڈی کے مطابق، اس سال 2 ہزار 981 انٹیلیجنسی آپریشنز کیے گئے، جس کے نتیجے میں 29 انتہائی مطلوب دہشتگردوں سمیت 739 دہشتگردوں کو گرفتار کیا گیا اور 246 دہشتگردوں کو ہلاک کیا گیا۔