پاکستان سٹاک ایکسچینج میں تاریخ ساز اضافہ، ڈالر کی قیمت میں کمی

کراچی : پاکستان سٹاک ایکسچینج میں آج ایک اہم اور تاریخ ساز دن رہا، جہاں 100 انڈیکس نے نئی بلند ترین سطح کو چھو لیا۔ کاروبار کے آغاز میں مارکیٹ میں زبردست تیزی دیکھنے کو ملی، جس کے نتیجے میں 100 انڈیکس میں 1044 پوائنٹس کا اضافہ ہوا، اور یہ 109,283 پوائنٹس کی نئی بلند ترین سطح پر پہنچ گیا۔

دوسری طرف، پاکستانی روپے کے مقابلے میں امریکی ڈالر کی قیمت میں کمی آئی۔ انٹر بینک مارکیٹ میں ڈالر 4 پیسے سستا ہو کر 277 روپے 90 پیسے کا ہو گیا۔یہ قابل ذکر ہے کہ گزشتہ روز بھی کاروبار کے آغاز میں ڈالر کی قیمت کم ہوئی تھی، تاہم کاروبار کے اختتام پر اس کی قیمت دوبارہ بڑھ گئی تھی۔