بلاول بھٹو اور مولانا فضل الرحمان کی ملاقات، مدارس رجسٹریشن بل پر صدر کی جانب سے دستخط نہ کرنے پر سوالات اٹھا دیے

اسلام آباد: پیپلزپارٹی کے چیئرمین بلاول بھٹو زرداری نے وفد کے ہمراہ مولانا فضل الرحمان سے ملاقات کی۔ اس ملاقات کے دوران مولانا فضل الرحمان نے مدارس رجسٹریشن بل پر صدر کے دستخط نہ ہونے پر گہری تشویش کا اظہار کیا۔ انہوں نے سوال کیا کہ جب بل دونوں ایوانوں سے منظور ہوچکا ہے تو صدر نے اس پر دستخط کیوں نہیں کیے؟ بلاول بھٹو نے اس مسئلے پر حکومت سے بات کرنے کا وعدہ کیا۔

ملاقات میں ملکی سیاسی صورتحال پر بھی تبادلہ خیال کیا گیا۔ اس موقع پر مولانا عبدالغفور حیدری، سینیٹر کامران مرتضٰی، حاجی غلام علی، مولانا لطف الرحمان، مولانا اسعد محمود، پیپلزپارٹی کے راجہ پرویز اشرف اور قمر زمان کائرہ بھی موجود تھے۔