پاکستان کرکٹ ٹیم کا جنوبی افریقہ دورے کے لیے اسکواڈز کا اعلان

لاہور : پاکستان کرکٹ ٹیم کی سلیکشن کمیٹی نے جنوبی افریقہ کے دورے کے لیے اسکواڈز کا اعلان کر دیا ہے، جہاں تین ٹی ٹوئنٹی، تین ون ڈے اور دو ٹیسٹ میچز کھیلے جائیں گے۔

بابر اعظم، محمد رضوان، صائم ایوب اور سلمان علی آغا تینوں فارمیٹس (ٹی ٹوئنٹی، ون ڈے اور ٹیسٹ) میں شامل کیے گئے ہیں۔نسیم شاہ کو ٹیسٹ اور ون ڈے اسکواڈ میں منتخب کیا گیا ہے، جبکہ شاہین شاہ آفریدی کو ان کے ورک لوڈ مینجمنٹ کے تحت وائٹ بال میچز کے لیے شامل کیا گیا ہے تاکہ وہ آئی سی سی چیمپیئنز ٹرافی 2025 کے لیے فٹ رہیں۔

محمد عباس کی ٹیسٹ ٹیم میں واپسی ہوئی ہے، جنہوں نے قائداعظم ٹرافی میں شاندار کارکردگی دکھاتے ہوئے پانچ میچوں میں 31 وکٹیں حاصل کیں۔سفیان مقیم کو ون ڈے اسکواڈ میں پہلی بار شامل کیا گیا ہے، جہاں انہوں نے اپنے دو ٹی ٹوئنٹی میچوں میں آٹھ وکٹیں حاصل کیں۔

قومی ٹی ٹوئنٹی ٹیم 6 دسمبر کو جنوبی افریقہ روانہ ہو گی، جبکہ ون ڈے اور ٹیسٹ کھلاڑی 13 دسمبر کو جوہانسبرگ پہنچیں گے۔قومی ٹیم کے ہیڈ کوچ جیسن گلیسپی بھی 13 دسمبر کو جوہانسبرگ پہنچ کر پری ٹیسٹ کیمپ کی نگرانی کریں گے۔

ٹیسٹ اسکواڈ میں  شان مسعود (کپتان)، سعود شکیل (نائب کپتان)، عبداللہ شفیق، بابر اعظم، حسیب اللہ (وکٹ کیپر)، کامران غلام، خرم شہزاد، محمد عباس، محمد رضوان (وکٹ کیپر)، نسیم شاہ، نعمان علی، صائم ایوب، سلمان علی آغا کو شامل کیا گیا ہے۔

ون ڈے اسکواڈ میں محمد رضوان (کپتان اور وکٹ کیپر)، عبداللہ شفیق، ابرار احمد، بابر اعظم، حارث رؤف، کامران غلام، محمد حسنین، محمد عرفان خان، نسیم شاہ، صائم ایوب، سلمان علی آغا، شاہین شاہ آفریدی، سفیان مقیم، طیب طاہر، عثمان خان شامل ہیں ۔

اس کے علاوہ ٹی ٹوئنٹی اسکواڈ میں محمد رضوان (کپتان اور وکٹ کیپر)، ابرار احمد، بابر اعظم، حارث رؤف، جہانداد خان، محمد عباس آفریدی، محمد حسنین، محمد عرفان خان، عمیر بن یوسف، صائم ایوب، سلمان علی آغا، شاہین شاہ آفریدی، سفیان مقیم، طیب طاہر، عثمان خان (وکٹ کیپر) شامل ہیں ۔

پاکستان کرکٹ ٹیم کے جنوبی افریقہ دورے کے لیے منتخب اسکواڈ میں نوجوان کھلاڑیوں کے ساتھ ساتھ تجربہ کار کھلاڑی بھی شامل کیے گئے ہیں تاکہ مختلف فارمیٹس میں ٹیم کا توازن برقرار رہے۔